.png){kind=small}
Notas de prensa
A Cámara de Vigo celebra mañá a xornada "Muller e Sectores Emerxentes"
O evento nace co obxectivo de apoiar a creación, consolidación e mellora de empresas lideradas por mulleres en sectores económicos emerxentes, nos que se están a detectar oportunidades de negocio. O programa, dirixido a mulleres emprendedoras e empresarias e a promotores sociais, quere tamén combater a segregación ocupacional que existe actualmente en torno ao xénero, fomentando a participación da muller nos sectores emerxentes da actividade económica que rexistran crecementos superiores á media e xeran emprego.
Máis dun centenar de persoas acudirán mañá á xornada "Oportunidades de negocio na xestión de residuos da Eurorregión Galicia-Norte de Portugal"
O evento constituirá a clausura oficial do Proxecto Rede Xera, posto en marcha en xuño 2009 e no que participaron 103 empresas da rexión transfronteiriza, cunha charla que reunirá prestixiosos expertos que abordarán a xestión de diferentes tipos de residuos.
"Breakfast & Speaking" inaugúrase mañá con máis dunha trintena de participantes
A convocatoria para os encontros "Breakfast & Speaking" converteuse nun éxito de participación. E é que a grande demanda que xerou a iniciativa entre os usuarios levou o departamento de formación da Cámara de Vigo a organizar dúas sesións inaugurais: unha mañá e outra o xoves. O obxectivo deste programa, innovador pola súa flexibilidade horaria, permite mellorar a fluidez na conversación inglesa dunha forma amena e divertida.
"Breakfast & Speaking", o novo programa da Cámara para practicar inglés
A institución cameral porá en marcha, a partir do 9 de marzo, os almorzos para conversar, unha iniciativa que pretende ampliar a fluidez do idioma anglosaxón a prezos low-cost.
Todos os mércores, de 8:30 a 10:00 horas, os interesados poderán gozar dun café mentres falan de temas cotiáns e de actualidade, dirixidos por un experto, e podendo incorporarse ao encontro durante esa franxa horaria.
A Cámara pon en marcha o Programa Diversifica dirixido á industria auxiliar da automoción
Coa premisa de axudar ás empresas especialmente afectadas pola crise, a Cámara de Comercio de Vigo, en colaboración co Consejo Superior de Cámaras e o Fondo Social Europeo, pon en marcha o Programa de Diversificación Sectorial para a Industria Auxiliar de Automoción. A iniciativa ten por obxectivo, ao longo das súas actuacións, apoiar ás pequenas e medianas empresas da industria auxiliar de automoción, buscando o seu fortalecemento coa captación de novos sectores cliente e apoiando a súa reconversión e adaptación aos novos sectores.
Máis artigos...
- O proxecto Red Genera pon en marcha un sistema que facilita a xestión de residuos das empresas
- A Cámara programa 68 accións formativas para o primeiro semestre do ano
- O 58,83% das empresas da Cámara de Vigo non pagan ningún tipo de cotas
- A Cámara celebra unha xornada para coñecer as necesidades das pymes
JPAGE_CURRENT_OF_TOTAL
